Obradoiro introdución á cata para 2 persoas
Anímate a participar neste obradoiro onde poderás mergullarte no mundo da cervexa, descubrindo as materias primas cervexeiras, os tipos de fermentación e iniciarte na cata de cervexa. Utiliza a túa propia memoria sensorial buscando nexos entre as túas lembranzas sobre olores, cores e sabores en busca de sensacións na cervexa. Cataremos un total de 3 cervexas nacionais e internacionais, co obxectivo de familiarizármonos co amplo mundo cervexeiro e os seus diferentes estilos.
O obradoiro inclúe:
- Unha mochila cunha copa Atlántica Estrella Galicia, un set de materias primas e un punteiro táctil.
- Caderno de Beer Hunter con consellos de cata e un lapis para seguir practicando na casa.
- Tirar a túa propia caña coa axuda do noso Experto Cervexeiro.
Desfruta deste obradoiro cervexeiro con total seguridade, en grupos reducidos e con estritas medidas de hixienización. Axúdanos a cumprir con todas estas medidas, presentándote con 10 minutos de antelación no despacho de billetes.